PDKT
Jane udu pisan kiye nyong ngerasakna ayem tentrem damai sejahtera sehat wal afiat pas dewek
pandeng-pandengan
Hawane sing ademe ngalaihim, langsung ilang mbuh mengendi merga esemmu
Jam sing pada temempel nang tembok ujug-ujug melu mandeg nambahi suasana sing syahdu
tek cekel tanganmu, tek gandeng karo nyong mandan medek meng kupingmu
“dek, ana 100 ora? nyelang disit lah ngesuk setu tek balekna”
misale…..
tapi nek ana ya tambahi 25 apa 50 lah nggo bensin hehehe….
srengenge wis arep kelelep nang sisih kulon pas dewek lagi mlaku nyeker karo nyangking sendal.
ombak sing njoget karo manuk blekok sing pada mabur kaya rombongan kaji numpak pesawat ya
melu ngeterna dewek bali tekan parkiran
wussss
mlipir warung lesehan sing ana sambele, langgane sapa mbuh pokoke enak lah anu wis kadung kencot
sepi sitik ya karo dulang-dulangan sing penting ora jotos-jotosan
jannn, maen temen ya batirku gole ngekhayal
4 September 2023
***
Ana Jenengmu nang Kana
ngerti ora?
nek jenengmu tulin ana nang kana
jenengmu digawa gawa pas lagi ndonga
aben dina
kaya kiye dongane
“Ya Alloh, tulung
adohna nyong karo wong kae lah”
aamiin aamiin aamin ya robbal ‘alamin
alfatihah
Kebumen, 26 Juli 2023
***
Oooo Lha Asu
suwe ora ketemu sekaline ketemu suwene pol ora lunga-lunga
oalah ncen mbuh wonge
pernah pas kae tek wei mbako
be tesih bae dipaido
udud garpit sing kari seiprit tek irit-irit
tek sambi macit ngasi ana sing nyelilit
mengko disit mengko disit
mbiyen tuku hp merga lagi WD
lah ya tek omong kaya kiye
“ngesuk nek WD maning tuku hp 2 bae”
sambat hp ne rusak
karo takon mbok ana batre nokia sing ora soak
ora nyekel hp rupane dadi kluwus
pas di selangi hp auto ketemu zeus
ooooo lha asu
Kebumen, 06 Juni 2023
***
Perdana Andhika Putra lahir di Kebumen, 20 Agustus. Berawal dari dunia seni peran teater kampus ingin mengembangkan di dunia literasi. Seni rupa juga menjadi bagian hidupnya. Jika ingin tahu siapa dia, carilah jejaknya di intagram @perdana.ap
