Wacanan Sedurunge: Betah Neng Kuburan
Wacanan Sedurunge: Mung Ana Siji Ana
Wacanan Sedurunge: Kesuh Karo Serayu
KOMUNITAS GETHEK sing sikiye, wis njajal mbayangna urip ‘seneng’ neng alam kubur merga pentas drama monolog judul Berita Lelayu Edhon, neng Aula Fisip Unsoed Purwokerto, Jumat-Sabtu wengi, 22-23 September 2026 ngesuk, bakal ngrasani anane gonjang-ganjing alam dunya politik Indonesia neng wektu paling gres siki, Sayembara Ijazah SMA/Sederajat Gibran. Neng alam kubur ora ana kahanan sing ditutup-tutupi, ningen neng alam dunya isine pada pating slimpet nutup-nutupi barang-barang aib.
Angger Gibran melu Gethek jelas ora perlu ana Sayembara Ijazah SMA/Sederajat Gibran. Mergane Gibran bakal jujur sejujure babagan ijazah sing dheweke duwe. Umpama dheweke pancen ora duwe ijazah SMA ya mesti otomatis ngaku blaka ora duwe. Ningen menawa Gibran duwe ijazah SMA/Sederajat, neng alam kubur ya mesti otomatis ngaku duwe ijazah kuwe.
Anane sayembara sing dipandegani Prof. Denny Indrayana, lan hadiah sayembarane wis tekan Rp 3 miliar luwih, mbuktikna menawa tekan sikiye durung ana sing weruh barang bukti ijazah asli SMA/Sederajate Gibran. Sayembarane pancen arupa sapa bae sing bisa weruh ijazah SMA/Sederajate Gibran kanti asli, bakal diwenehi hadiah Rp 100 ewu nalika sayembara mulai dibuka seminggu kepungkur. Tekan siki, hadiah sayembarane tambah terus ngasi tekan Rp 3 miliar luwih. Ngesuk-ngesuk, angger durung ana sing bisa mbuktikna menawa Gibran duwe ijazah asli kuwe, jelas hadiahe ya melu tambah terus.
Kahanan normative, mestine sing jelas bisa mbuktikna babagan ijazah asli SMA/Sederajate Gibran ya Gibran dhewek. Mergane saben ijazahe sapa bae, sing nyekel ya sing duwe. Ningen lucune, Gibran tetep anteng meneng jineng. Mbangkane, angger melu sayembara, jelas Gibran sing menang lan olih hadiah tekan Rp 3 miliar luwih sekang Prof. Denny Indrayana. Kenang apa Gibran mingkem bae ora respon kanti sayembara kuwe, ya mergane embuh. Jan-jane wong-wong sing wis neng alam kubur tah ngerti banget sejatine ijazah SMA/Sederajate Gibran kuwe mau. Merga beda alam, wong sing neng kuburan ora bisa ngabarna suara jujur ijazah Gibran. Kaya kuwe. Hidup Denny Indrayana..!!!
Edi Romadhon, atau yang akrab disapa Kang Edon, adalah budayawan senior asal Ajibarang, Banyumas, yang kerap dijuluki sebagai Budayawan Palugada berkat keluwesannya berperan sebagai penulis naskah, sutradara, aktor, hingga penggerak logistik pertunjukan. Kiprahnya yang dimulai sejak 1983 konsisten merawat tradisi dan bahasa ngapak Banyumas melalui teater, puisi, dan pelestarian cerita rakyat—bahkan sukses membawa pementasan teater binaannya, Teater Gethek, melenggang ke panggung internasional di Belanda hingga Republik Ceko. Selain aktif membina komunitas teater Perisai, akademisi Universitas Muhammadiyah Purwokerto ini juga terus menginspirasi generasi muda untuk adaptif menjaga warisan budaya lokal di tengah pesatnya perkembangan zaman.
